Нақты
BMW модельдерінің барлық қатарына бөліп төлеу
Жаңа BMW X3 ерекше шарттармен
Сервисное обслуживание со скидкой 45%
Акция действует до 15 апреля, спешите!
BMW iX3-тің алдыңғы бөлігінің сыртқы келбетін айқын жиектер мен қосымша опция ретінде ұсынылатын жарықтандырылған BMW Iconic Glow радиатор торы айқындайды. Автоматты есік тұтқалары көзге түспейді және дизайнның негізіне алынған жеңілдікті айқындай түседі.
Айқын беттер мен нақты сызықтар әсерлі әрі аэродинамикалық сұлбаны қалыптастырады. Мәнерлі қанаттар сызығы жаңа BMW эмблемасы біріктірілген талғампаз артқы шамдарды айқындай түседі.
Көзге түспейтін есік тұтқалары BMW iX3 шанағымен бір деңгейде орналасқан. BMW Digital Key Plus орнатылған смартфон немесе смарт-сағат иесі автокөлікке жақындағанда, жүйе автоматты түрде тануды жүзеге асырады. Цифрлық кілт иесі автокөліктен шамамен екі метр қашықтықта болған кезде, есік тұтқалары автоматты түрде шығып, қараңғы кезде жарықтанады.
Автокөліктің төбесінде қосымша ретінде ұсынылатын жүксалғышты орнатуға арналған бекіту нүктелері қарастырылған. Бөлек сатып алынатын төбе боксы немесе BMW-ның қосымша аксессуарлары одан да көп жүк орналастыруға мүмкіндік береді.
Зарядтау ағытпасының интеллектуалды қақпағы автокөлікті зарядтау үдерісін жеңілдетеді. BMW iX3 сіздің автокөлікті зарядтау ниетіңізді таныған кезде ол автоматты түрде ашылады. Зарядтау кезінде қақпақ сәл жабылып, ағытпаны ауа райының әсерінен қорғайды. Зарядтау ағытпасын алып тастағаннан кейін қақпақ автоматты түрде жабылады.
BMW iX3-тің тиянақты ойластырылған интерьері жайлы және шабыттандыратын кеңістік болып табылады. Жүргізушінің қажеттіліктеріне бағытталған дизайн кербездігімен қатар жоғары функционалдылығымен ерекшеленеді. Ондағы барлық элементтер басты мақсатқа — жүргізу кезіндегі барынша жайлылыққа бағындырылған. Материалдар, түстер, дыбыс пен жарық үйлесімді үндесіп, рөл басында мүлде жаңа деңгейдегі ләззат сезімін сыйлайды.
BMW iX3 жүксалғышының көлемі ең көбі 1 750 л құрайды. Сонымен қатар, капот астында көлемі 58 л болатын қосымша бөлім қарастырылған, онда зарядтау кабелін сақтауға болады — ол әрдайым қолжетімді болады.
Қосымша ретінде ұсынылатын панорамалық әйнек төбе BMW салонын жарыққа бөлеп, еркіндік пен жайлылық атмосферасын қалыптастырады. Қараңғылатылған атермалды әйнек ыстық жаз күндері салонның қызып кетуінің алдын алады. Көпқабатты құрастырылым күн сәулесін тиімді сіңіріп, ультракүлгін және инфрақызыл сәулеленуден сенімді қорғаныс қамтамасыз етеді.
Кең салон және электрлік көлікке арнайы әзірленген сәулет артқы орындықтағы жолаушыларға жоғары деңгейдегі жайлылықпен орналасуға мүмкіндік береді. Арқалықтардың еңкею бұрышы 23-тен 31 градусқа дейін реттеледі — қазіргі сәттегі қажеттілікке байланысты жолаушыларға қосымша жайлылық ұсынуға немесе жүк салу бөлімінің көлемін арттыруға болады. Ұзын немесе көлемді заттарды тасымалдау үшін орындықтарды 40/20/40 қатынасында жеке-жеке бүктеуге болады.
Қосымша ретінде қолжетімді көпфункционалды орындықтар арқалықтың енін, бел тірегін және басқа параметрлерді реттеуге мүмкіндік береді, осылайша шынайы жекеленген отырысты қамтамасыз етеді. Сонымен қатар, олар барынша жайлылық пен босаңсу үшін жеті режимі бар массаж функциясымен жабдықталған. Біріктірілген Travel & Comfort жүйесі мобильді құрылғылар мен аксессуарларды орындықтардың арқалықтарына бекітуге мүмкіндік береді.
BMW iX3 — жетек жүйесі мен қозғалыс динамикасын басқару бір BMW Heart of Joy блогына біріктірілген алғашқы автокөлік. Орталық компьютер BMW Dynamic Performance Control бағдарламалық жасақтамасымен бірге негізгі үдерістердің барлығын секундтың үлестерінде үйлестіріп, жоғары деңгейдегі динамика мен басқарудың сенімді дәлдігін қамтамасыз етеді. Революциялық Soft Stop функциясы толық тоқтағанға дейін бірқалыпты әрі қауіпсіз қозғалысты кепіл етеді.
BMW EfficientDynamics тұжырымдамасы аясында біз энергия тұтынуды азайту және жүріс қорын арттыру үшін бірнеше буындағы автокөліктерге арналған инновациялық шешімдер әзірледік. BMW iX3 моделінде бұл мақсаттарға жан-жақты оңтайландырылған жүйелер ықпал етеді. Жаңа жетек жүйесі мен 800 вольттық сәулеті бар алтыншы буындағы аккумуляторлық батарея негізгі рөл атқарады. Жүргізуден одан да зор ләззат алу үшін.
BMW iX3 оснащен двумя специально разработанными электрическими двигателями с 800-вольтовой архитектурой, с технологией eDrive 6-го поколения. Расположенные на передней и задней осях, эти двигатели подключаются при разгоне и торможении, точно подавая необходимую мощность в зависимости от ваших потребностей и дорожных условий. Эта интеллектуальная система полного привода обеспечивает динамичное и эффективное управление даже на сложных участках дороги.
800 вольттық сәулеттің, жоғары энергия сыйымдылығы бар цилиндрлік литий-ионды аккумулятор элементтерінің және инновациялық біріктірудің арқасында алтыншы буындағы батареялар ұлғайтылған энергия қорымен және жылдам зарядтау мүмкіндігімен ерекшеленеді. Шасси құрастырылымы батареяларды автокөліктің түбіне сенімді әрі жинақы түрде орналастыруға мүмкіндік береді.
BMW iX3 толықтай зарядталған батареямен 805 км* (WLTP) дейінгі әсерлі жүріс қорына ие, бұл тоқтаусыз ұзақ қашықтықты еңсеруге мүмкіндік береді.
*Берілген мәндер WLTP циклі бойынша есептеледі. Нақты көрсеткіштер жүк салмағына, жүргізу стиліне, жол бағытына, ауа райы жағдайына, қосымша тұтынушылардың (ауа баптағышты қоса) энергияны пайдалануына, шиналарға және аккумулятор батареясының күйіне байланысты өзгереді.
BMW iX3 сіз күтетін кеңістік пен жайлылықтан бас тартпай, белсенді демалысқа арналған автокөлікке (SAV) тән таныс пропорцияларды төмен аэродинамикалық кедергімен үйлестіреді.
BMW iX3 бүгінгі күндегі ең жылдам зарядтау мүмкіндігін ұсынады. Ең жоғары 400 кВт* зарядтау қуаты кезінде BMW iX3 xDrive50 моделін зарядтап, 309–372 км* дейінгі жүріс қорын қамтамасыз ете аласыз.
*10 минут бойы жоғары қуатты зарядтаудан кейінгі жүріс қорының артуы ISO 12906 стандартына сәйкес WLTP циклінде анықталған және зарядтау инфрақұрылымы тұрақты токпен максималды зарядтау қуатын қамтамасыз етуі тиіс. Жүріс қорының артуы мен зарядтау тиімділігі жабдықталуына, зарядтың деңгейіне, батареяның техникалық күйі мен температурасына, жүргізу стиліне, қосымша тұтынушыларды пайдалануға, жеке зарядтау баптауларына және зарядтау станциясының қуатына байланысты.
Автокөліктің бүкіл өмірлік циклі бойындағы көміртек ізі алдыңғы буынмен салыстырғанда 34%-ға азайды.* Біз материалдарды қайта пайдаланамыз және Design for Circularity (жабық цикл қағидаттарына негізделген дизайн) тұжырымдамасын дәйекті түрде ұстанамыз. Нәтижесінде жаңа BMW iX3 xDrive50-дің шамамен үштен бір бөлігі қайта өңделген шикізаттан жасалған. Econeer орындықтарының қаптама матасын, орталық консольді және алдыңғы панельді әзірлеу кезінде материалдарды қайта пайдалану мүмкіндігіне ерекше назар аударылды.
*Тек ЕО-ның энергия теңгерімі аясындағы электрлік энергиясын пайдаланғанда және 200 000 км жүріп өткен жолы кезінде.
Бірегей тәжірибе мен пайдаланудағы ыңғайлылық: жаңа BMW Panoramic iDrive жүйесі басқарудың төрт негізгі элементін біріктіреді. BMW Intelligent Personal Assistant ақылды көмекшісі арқылы сенсорлық басқару көмегімен жүйемен интуитивті түрде өзара әрекеттесіңіз. Ақпарат әрдайым қажетті жерде және қажетті сәтте көрсетіледі — бұл көзді жолдан, ал қолды рөлден алмауға мүмкіндік береді.
My BMW қосымшасы BMW iX3-пен тікелей байланыс орнатуға мүмкіндік береді. Ол автокөліктің күйі мен зарядтау үдерісі туралы дәл ақпаратты нақты уақытта ұсынады. Сондай-ақ, смартфон арқылы автокөлікті құлыптау, жарықты басқару, терезелерді көтеру/түсіру сияқты түрлі функцияларды қашықтан басқаруға мүмкіндік береді. Қозғалыс кезінде барлық жолаушылар климат-контрольды, мультимедианы және басқа да баптауларды қосымша арқылы басқара алады.*
*Бұл үшін BMW ConnectedDrive қызметтері және үйлесімді смартфон қажет. My BMW қосымшасының қолжетімділігі мен функциялар жиынтығы нарық пен модельге байланысты өзгеруі мүмкін.
Жоғары ажыратымдылығы бар орталық дисплей классикалық тікбұрыш пішінінде емес, екі қиғаш бұрышы бар пішінде орындалған — бұл дизайн Free Cut деп аталады. Дисплей рөл дөңгелегінің дәл жанында орналасқан. Ол навигацияға, ойын-сауық жүйесіне және байланыс функцияларына интуитивті әрі түсінікті қолжетімділікті қамтамасыз етеді. Сүйікті виджеттеріңіз көз алдыңызда тұрғанын қалайсыз ба? Оларды BMW Panoramic Vision дисплейіне жай ғана тартып апарыңыз.*
*Бағдарламалық жасақтаманың тұрақты жаңартылуына байланысты коммуникациялық материалдардағы экран дизайны автокөліктегі нақты экран дизайнынан өзгеше болуы мүмкін.
BMW Panoramic Vision түбегейлі жаңа жүйесі сіз таңдаған контентті алдыңғы әйнектің бүкіл ені бойына шығарады. Навигациядан бастап музыка мен ауа райына дейінгі виджеттерді өз қалауыңызға сай орналастыра аласыз. Олар қозғалыс кезінде барлық жолаушыларға анық көрінеді.*
*Бағдарламалық жасақтаманың тұрақты жаңартылуына байланысты коммуникациялық материалдардағы экран дизайны автокөліктегі нақты экран дизайнынан өзгеше болуы мүмкін.
BMW-ңыздың көпфункционалды рөлдегі Shy-Tech басқару элементтері тек қажет болған кезде ғана көрінеді. Бедерлі бет жанасуға жауап беріп, сезімтал кері байланысты қамтамасыз етеді. Бұл маңызды функцияларды жолдан көз алмай басқаруға мүмкіндік береді.*
*Бағдарламалық жасақтаманың тұрақты жаңартылуына байланысты коммуникациялық материалдардағы экран дизайны автокөліктегі нақты экран дизайнынан өзгеше болуы мүмкін.
Опция ретінде қолжетімді Plus көлік жүргізу көмекшісі сізге автокөлікті жүргізу және тежеу кезінде көмектеседі. Қалауыңыз бойынша ол алда келе жатқан автокөлікке дейінгі жылдамдық пен қашықтықты реттейді және BMW-ны қозғалыс жолағында ұстауға көмектеседі. Жүйе анықталған жылдамдық шектеулеріне сәйкес жылдамдықты автоматты түрде өзгертеді және бұрылыстарға, сондай-ақ қарапайым және дөңгелек қиылыстарға жақындағанда тежейді.
Айнала шолу жүйесінің арқасында сіз автокөлікті шектеулі кеңістікте де оңай әрі қауіпсіз тұраққа қоя аласыз. Қосымша жабдық ретінде ұсынылатын Parking Assistant Plus жүйесі тұраққа қою кезінде кеңейтілген шолуды ұсынады, автокөлікті барлық жағынан бақылауға мүмкіндік береді. Сіз қайталанатын тұраққа қою бұлтарыстарын сақтай аласыз және оларды кез келген уақытта жартылай автоматты түрде орындай аласыз. Сонымен қатар, Parking Assistant Professional жүйесі мен My BMW қосымшасының көмегімен бұл әрекеттерді смартфоныңыздан қашықтан орындауға болады.
Symbiotic Drive және жүргізушіге көмек көрсету жүйелері жаңа BMW iX3-ті басқарудың ерекше тәжірибесін ұсынады. Рөл басындағы шынайы ләззат: жасанды интеллект негізіндегі бағдарламалық жасақтама кез келген сәтте жүргізушінің ниетін қостап, үдеуді, тежеуді немесе бұрылысты орындауға көмектеседі. Осы жүргізуші көмекшілерінің көпшілігі қазірдің өзінде негізгі және стандартты жабдықтамаға кіреді.*
* Негізгі және стандартты жабдықтама елге байланысты өзгеруі мүмкін.
