Нақты
BMW несиесіне қолайлы шарттар
BMW-мен драйв пен мәртебені сезініңіз — енді бұрынғыдан да тиімді...
Сервисное обслуживание со скидкой 45%
Акция действует до 15 апреля, спешите!
4-ші сериялы BMW Coupe спорттық және әдемі бейнесінде купе типті шанақтарға тән жұмсақ төбе сызығы басым. Осы ретте спорттық пропорциялар түп-түзу талғампаз контурлармен үйлесіп, қарқынды спорттық автокөліктің батыл тәуелсіздігін көрсетеді.
BMW радиаторының айқын тік торы марка дәстүрінің жаңа талдамасын ұсынады. Ілгерінді пішіндер мен еліктірерлік дизайн аңызға айналған классикалық модельдерді еске түсіреді.
4-ші сериялы BMW Coupe жүрегі – BMW Twin Power Turbo қозғалтқышы. Тамаша реттелген жүріс бөлігінің құрам бөліктерінің өзара әрекеттесуі, сезімтал руль және дәл басқырылу көлік жүргізудің қайталанбас рақатын сыйлайды.
Тахометр көрсеткіштерін сағат тіліндегі бағытта ұлғайту басқа деректер үшін ортасынан қосымша орын босатуға мүмкіндік берді.
Барлық басқару элементі орталық консольде ыңғайлы құрылымдалған, айқын көлбеу бұл салондағы спорттық атмосфераның қалыптасуына ықпал етеді.
Салонның артқы бөлігінде купеге тән керемет жайлылықты қамтамасыз ететін екі жолаушы орны бар. Автокөліктің спорттық сипатын көрсететін артқы қатарды құрайтын бөлек орындықтар.
Сыртқы көріністің ерекше әдемілігі салон дизайнында да жалғасады. Жоғары сапалы материалдар мен динамикалық дизайнның үйлесімі эмоционалды атмосфераны қалыптастырады.
Жаңа буындағы екі литрлік төрт цилиндрлі BMW TwinPower Turbo қозғалтқышы ұмытылмас жүргізу ләззатын сыйлайды. Күштік агрегат иінді біліктің төмен айналу жиілігінде де жоғары қуатпен және жақсы қабылдағыштықпен, сондай-ақ отынның тамаша үнемділігімен және пайдаланылған газдардың төмен уыттылық деңгейімен өзгешеленеді.
Жаңа буынды екі литрлік, төрт цилиндрлі BMW TwinPower Turbo дизельдік қозғалтқыштары тіпті төмен жылдамдықта да әсерлі қуат пен жоғары сезімталдықты қамтамасыз етеді. Турбина геометриясы өзгеретін турбоүдеткіш пен Common Rail отынды тікелей бүрку жүйесі – ерекше отын тиімділігі мен пайдаланылған газдардың төмен уыттылығының кепілі.
BMW xDrive интеллектуалды толық жетек жүйесі дөңгелектердің жолмен ілінісуін одан әрі жақсарту, қарқынды арттыру және кез келген қозғалыс жағдайында қауіпсіздікті қамтамасыз ету үшін алдыңғы және артқы дөңгелектер арасында айналдыру моментін біркелкі қарқынмен үлестіріп отырады. Маневр жасау ыңғайлы болуы үшін қуатты бөлу жүйесі бұрылыстарда артық немесе жеткіліксіз айналуды теңестіреді.
Стандартты аспа жоғары дәлдігімен ерекшеленеді және жоғары деңгейлі маневрлік пен жайлылықты қамтамасыз етеді. Бұл серіппелі тіреуі бар алюминийден жасалған қос топсалы алдыңғы аспа мен мұқият ойластырылған бес иінтіректі артқы аспаны пайдалану, сондай-ақ барлық компонентті дәл баптау арқылы мүмкін болды.
8 сатылы Steptronic спорттық автоматты беріліс қорабы керемет жылдам спорттық ауысу мүмкіндігімен ерекшеленеді. Тұрақты жылдамдықпен ыңғайлы қозғалу немесе керемет динамикалық жүргізу үшін берілістер автоматты режимде немесе қолмен селектор тұтқасы немесе руль астындағы құлақшалар арқылы ауыстырыла алады. SPORT PLUS режимінде және S/M күйінде селектор тұтқасымен берілістерді ауыстыру максималды спорттық алгоритм бойынша жүзеге асырылады.
Professional жүргізуші көмекшісі күрделі немесе бірсарынды жол жағдайларында оңтайлы жайлылық пен қауіпсіздікті ұсынады. Жүргізу көмекшісі топтамасының ішіндегісінен басқа, кеңейтілген функциялары бар руль және қозғалыс жолағын басқару көмекшісі, төтенше тоқтату көмекшісі, сондай-ақ бүйірлік соқтығысудан белсенді қорғанысы бар жолақты ұстау көмекшісі ұсынылады.
Plus тұраққа қою көмекшісі автокөлікті тұраққа қою кезінде маневр жасауды жеңілдетеді. Оған айнала шолу жүйесі, соның ішінде үстіңгі көрініс, панорамалық көрініс және қашықтан 3D-көрініс, сондай-ақ тұраққа перпендикуляр қоюға көмектесу жүйесі, белсенді апаттық жақындау туралы сигнал беру жүйесі, шұғыл тежеу функциясы, параллель және перпендикуляр тұраққа қою көмекшісі және артқа жүру көмекшісі кіреді.
Енді сізге BMW автокөлігін басқарған кезде смартфонның функцияларынан бас тартудың қажеті жоқ. Смартфонды кіріктірудің арқасында автокөлігіңіз смартфон мен көлік арасындағы сымсыз байланыс арқылы Apple CarPlay® және Android Auto® қолданбаларына қолдау көрсетеді. Бұл барлық таныс функция мен әртүрлі қолданбаларды тікелей автокөлікте барынша ыңғайлы пайдалануға мүмкіндік береді.
